Pauline inviterer til gards

Alle "Blomane" i Tryggheim Barnehage på Nærbø samla på halmballen. Bak f.v.: Elias, Jofred, Trym, Tor Olav, Joakim, Siv Anita Midten f.v.: Mons Jakob, Morten, Vilde, Nora, Pauline, Lea, Chloe, Asgeir Fremst f.v.:Elisabeth, Julia, Margaret, Kari, Jane Elin
– Det aller kjekkaste er å hoppa i halmen, seier Pauline, som synest det er stas å ha så mange på besøk i fjøset.
Pauline gler seg til å fortella Joakim og Lea om kyrne og kalvane på garden.
Asgeir, far til Pauline, fortel om oksar og kyr og kalvar, til dei som har tid til å høyre.
For fleire av barna var det første gongen dei var på gardsbesøk. Det er mange inntrykk å ta med seg.
Joakim har nettopp fått veta at dyra ikkje har tenner oppe, og dristar seg til å gi oksane litt fôr frå handa.
Chloe t.v.), Siv Anita og Julia studerer korleis kyrne et, og er imponert over kor mykje mat dei klarer å få i seg.
Nora likte aller best kaninen Snøhvit, som fekk mykje merksemd denne dagen.
Pauline er van med dyra på garden. Kalven er ikkje heilt glad for grima, og vil helst gå bakover. Pauline må skua litt på for å få kalven i bevegelse.
Den tamme kalven var nøgd då heile seansen var over.
I kalvekjøkkenet får f.v. Vilde, Lea, Nora og Chloe høyra Pauline og mor, Ester, fortelja om korleis dei fôrar kalvane.
Samarbeid er ein god eigenskap når alle skal koma seg opp på den store halmballen. Morten og Vilde tilbyr hjelp til Jogeir.
Morten fryktar ingenting og stupar ut og landar mjukt i halmen.
Jogeir og Trym sit høgt i traktoren i lag med Asgeir.
- Bonzai, seier Tor Olav, som har lært seg det kraftfulle uttrykket frå far.
- Galkjekt å køyra traktor, kommenterer Tor Olav, då han og Vilde klatrar ut or traktoren for å gi plass til Pauline og Lea, som er sist i køen.
Det er plass til heile gjengen i robotrommet. Der får dei sjå korleis ein mjølkerobot fungerer.
I løpet av ei veke, drikk dei 70 liter mjølk i barnehagen. Pauline sine kyr produserer rundt 30 liter om dagen, i gjennomsnitt per ku, 210 liter i veka. Pauline, Elias og Vilde i full konsentrasjon.
Trym er imponert over all mjølka som kan koma ut av juret på ei ku.
Elias, Jogeir og Joakim følgjer med når kua kjem inn i mjølkeroboten, blir vaska og mjølka.
Mons Jakob stiller med fullskjegg og ekte nissesong medan han ventar på grauten. Heime har Mons Jakob kyr og gris. - Og to Masseytraktorar og to John Deere. John Deere er best, understrekar femåringen.
Pauline sørgjer for at alle får grøt, heimelaga, av mjølk rett frå mjølketanken på garden.
Når ein er fem år, er det mange spørsmål som ein vil ha svar på. Bonden sjølv svarar så godt han kan på det som Jogeir (t.v.) og Joakim lurer på.
Morten og Mons Jakob nyttar tida etter grauten til å utfordra kvarandre og får med seg Kari i leiken.
Julia (t.v.) og Siv Anita likte aller best kalvane. For Julie er det første gong ho er på gardsbesøk.

Venene frå barnehagen skal få sjå kyr og oksar, helsa på kalvane og køyra traktor, eta graut og peparkaker.

Liv Kristin Sola

Pauline er fem år. Ho går siste året i Tryggheim Barnehage, på Nærbø, i Hå kommune. I dag har ho invitert med avdelinga si, Blomane, på gardsbesøk. Heime på garden Store Håland, har Pauline 52 kyr, 30 oksar, 60 kviger og 15 kalvar.

Asgeir Pollestad, far til Pauline, fortel om kyr og mjølk. Ester Pollestad, mor til Pauline, forklarer korleis dei fôrar kalvane. Litt mykje fakta for somme, som heller vil leika og boltra seg i halmen og på fôrbrettet.

– Etter at kua har mjølka seg, må ho vaska seg, trur Tor Olav og Elias. Dei er litt usikre, men trur at kua har ein dusj ein stad, sidan ho er så rein.

I haust har Blomane hatt «Haustens grøde» som tema. Dei har lært litt om livet på garden, om dyra og maten som vert dyrka. Tryggheim barnehage kan besøka Jærmuseet/Jærgarden, som ligg i gå-avstand frå barnehagen, når dei ønsker. Her har dei blant anna vore med på å hausta poteter, fortel Siv Anita, ei av dei tilsette.

Del på Facebook