Forsonlege førstekandidatar: (F.v.) Geir Pollestad frå Senterpartiet, Mímir Kristjánsson frå Raudt og Andreas Aukland frå MDG har kanskje meir å snakka saman om enn det ein vanlegvis kan få inntrykket av. Den tomme kraftfôrsekken i front får spøkefullt namnet Margret Hagerup, etter Høgre sin førstekandidat frå Rogaland, som ikkje er til stades.

Raud-grøn forbrødring på Jæren

I storpolitikken kjeklar dei, men attmed kvarandre, på kvar si spønepakke på ein gard på Nærbø, strevar nesten Sp, Raudt og MDG om å vera ueinige.

Bothild Å. Nordsletten

Landbruk har ikkje vore tilstrekkeleg oppe i valkampen, meiner Rogaland Senterparti og deira Geir Pollestad. Dermed får dei Nærbø-bøndene og ekteparet Åse Marie Nærland Høyland og Åsbjørn Høyland til å opna maskinhuset for politisk verkstad om tema. Eit 30-tals jærbuar møter opp, fleire med eigne klappstolar. Åsbjørn sjølv ønskjer velkomen og leiar ordskiftet.