Bånn gass: Det går unna når graset blir slått med ein 9,5 meters butterfly-slåmaskin. Jone Sør-Reime slo graset på dagtid 27. mai. Haustinga gjekk føre seg på kveldstid dagen etter. Han fekk også spreidd husdyrgjødsla før regnet kom.

Berga slåtten før regnet kom

Dei siste dagane av mai byrja slåmaskinane å dura over fersk eng. Både på Jæren og i andre gunstige kystnære område i Sør-Vest.

Sjur Håland

På Torvholen gard på Vigrestad sør i Hå kommune, møtte Bondevennen Jone Sør-Reime i full fart med å slå raigraset 27. mai. Han og kona, Iris Sør-Reime, driv mjølkeproduksjon med ein kvote på 580.000 liter. Det har vore kaldt og våren har vore sein. Bonden seier at slåtten ikkje kom spesielt tidleg i år.