Boost: Eit godt 0,90-fôr på Jæren tilseier ofte slått ei gong mellom midten av mai og først i juni. Alt etter vêr og føreforhold. Høg stubbhøgd held grasbotn grøn og fotosyntesen i gang. Dermed får du rask gang på gjenveksten. Foto: FKRA

Startnitrogen kan gi ekstra grovfôr

Er det råd å henta enda meir ut av enga di? Tidleg N-boosting av raigrasenga om våren kan gi grovfôret ditt meir protein og enda høgare tørrstoffavling.

Sjur Håland​

– Praksisen høver ekstra godt for til dømes mjølkeprodusentar som haustar fire til fem slåttar raigras og som er ute etter høgare avling og eit næringsrikt og konsentrert grovfôr, seier grovfôrrådgivar Randi Hodnefjell hjå NLR på Særheim i Klepp.

Å spreia 15 kilo med til dømes Opti NS (fire kilo N) straks plantene byrjar å livna til om våren, er ein praksis av nyare dato.