Gjerdeplikt: Kven skal gjerda og vedlikehalda gjerdet langs Jærbanen/Sørlandsbanen? Høgsterett kjem med endeleg svar på den mangeårige rettstvisten mellom grunneigarar og Bane NOR i desember.

Ventar på endeleg dom i Bane NOR-saka

Den mangeårige tvisten om gjerdeplikta langs jernbanelinja mellom Sandnes og Kristiansand er nå til endeleg vurdering i Høgsterett. Gjerde, dyr, rettspraksis og millionbeløp står på spel for dei 156 grunneigarane.

Sjur Håland​

– Eg håpar inderleg at me når fram, men det er ei tung sak juridisk, seier Laurits Stokkeland, talsperson for dei 156 grunneigarane.

Etter å ha vunne i både tingretten og lagmannsretten, vart Bane NOR si anke handsama i Høgsterett 21. og 22. oktober. Dommen er venta i byrjinga av desember.