Linn Eriksson

– Ver stolt og stå på!

– Å få stella dyr og gjera ein skilnad for bøndene, er det som driv meg, seier årets avløysar, og oppmodar kollegaene sine til å gå på jobb med heva hovud.

Sjur Håland

Linn Eriksson har arbeidd med husdyr og menneske heile sitt vaksne liv. Nyleg vart ho heidra med tittelen Årets Avløser 2025.

– Det var ei stor overrasking å koma til finalen – og ei endå større overrasking å vinna, seier landbruksvikaren frå Nes, som har heile Akershus som arbeidsområde.