Eit vendepunkt: Stormøtet på Hitra 11. oktober 1975. Frå venstre på første benk, aksjonsleiar Sverre Hanssen, leiar for Leksvik-aksjonen Tore Tømmerdal og Helge Bergo. Foto: Privat

MOLDROK:

Frå Hitra-aksjon til #Bondeopprør2021

50 år etter Hitra-aksjonen trengst igjen eit fleirtalsvedtak i Stortinget om tidfesta opptrapping.

Reidar Almås, professor, seniorforskar emeritus, Ruralis

​Hitra-aksjonen i 1975 var eit vendepunkt i norsk landbrukshistorie, som kom som ein reaksjon på frustrasjon og motstand blant bøndene mot statens jordbrukspolitikk. Aksjonen kan sjåast som kulminasjonen av mange års misnøye med ein politikk som hadde ført til låge inntekter, nedlegging av bruk og ei kjensle av å bli oversett av styresmaktene. Aksjonen var ein protest, ikkje berre imot statleg jordbrukspolitikk, men også imot organisasjonane som skulle representere bøndenes interesser.