Flytande gull:Øl av havremalt fanst i Mellomalderen, men er no ein ledig nisje. Føretaka Jærmalt, Rygr og Berentsens Bryggehus smakar på å brygge reint havreøl igjen. Illustrasjon: Istock/Bondevennen

Havreøl på alvor

Frå havregryn til havreøl – på jærsk havremalt.


Åsmund Bjørnstad er professor emeritus i planteforedling ved NMBU. I tillegg skriv han bøker og dikt.


Havregraut er igjen godt stoff i mat­spaltene for tida, eller når kjendisar skal forsikre om at dei er nøye og nøysame med helsa. I BV nr 37, 2023 skreiv eg om korleis havre var hovudkornet på Vestlandet fram til 1900-talet og at på den tid var Sandnes eit kjerneområde for norske havregryn, noko mølla til Stangeland stadig vitnar om. Garborg lovpriste dei. I vinterkvarteret på Kolbotn ved Tynset var det helst vanleg kveldsmat, men «det beste maa vera godt nok. Det er gjestebodskost heime paa Jæren det, Jolaftanskost.»