Prisskilnad:Er det eigentleg fagleg grunnlag for at prisen på jorda skal vere ca. 50 prosent høgare på Jæren (t.v. i kartet) enn i Bjerkreim (markert med raudt), spør Olav Magne Tonstad. Illustrasjonsfoto: Nibio Kilden / Istock


MOLDROK:

Kommunane har ennå utfordringar med konsesjonslova

Det er neppe grunnlag for at prisen på dyrka jord skal vere ca. 50 prosent høgare på Jæren enn i distriktskommunane.


Olav Magne Tonstad, konsulent, pensjonert landbrukssjef i Hå kommune


​Konsesjonslova i si noverande form fylte nyleg 50 år. Lova er framleis ei utfordring for både bønder og saksbehandlarar, med priskontrollen som den største utfordringa. Andre utfordringar for kommunane er å behandla søknadane i samsvar med regelverket. Ein bonde fortalde meg for mange år sidan at konsesjonslova er ei kommunelov. Med det meinte han at kommunane har forholdsvis stor fridom når dei skal behandla søknadane om konsesjon. Det inneber mange skjønnsmessige vurderingar. Men viktige køyrereglar må likevel fylgjast. Vi skal her sjå litt på korleis kommunane taklar denne oppgåva.