Bygg reis deg? Det er viktig at diskusjonen om investeringar i landbruket ikkje endar opp med at fylka blir sett opp mot kvarandre, skriv kronikkforfattaren. Foto: Thea Hjertuslot

KRONIKK:

Rogaland treng eit krafttak for landbruksinvesteringar

Kvart år framover må 30 rogalandsbønder velje å ta ei investering på godt over ti millionar kroner. Det kan me ikkje ta for gitt at dei gjer.

Monica Dahlmo, landbruksdirektør, Statsforvaltaren i Rogaland

Mange bønder sit med eit driftsapparat som klart er modent for fornying. Landbrukspartnarskapen si spørjeundersøking i 2022, viste at heile 20 prosent av bøndene i Rogaland rekna med at dei ikkje ville ha drift på garden i 2037. Lønsemd og tilgang til investeringsmidlar kom fram som dei viktigaste faktorane for framtidig drift. I tillegg veit vi at eit godt driftsapparat er viktig for dyrevelferda. Den mangelen på investeringsmidlar som bøndene i Rogaland no opplever, er difor alvorleg.