Fleire «norsketarianarar»: Forbrukarane oppfattar norsk kjøt som sunt, reint, godt, trygt og tradisjonsrikt. Det er blant grunnane til at råda om å eta mindre kjøt og meir grønsaker ikkje blir følgt. Foto: Istock / Bogdan Kurylo

Vegetartrenden stagnerer

Talet på vegetarianarar i Noreg ligg stabilt på to prosent, færre vil redusera kjøtinntaket og tradisjonsmat er i vinden.

– Nå må bonden smi medan jernet er varmt, seier forbruksforskar.


Bothild Å. Nordsletten



​Det skortar ikkje på utfordringar for norske matprodusentar. I ei uroleg verd kan det likevel verka som om vindane er i ferd med å gi husdyrbøndene god bør framover.

Til dømes viser tal frå fjorårets Ipsos-undersøking Spisefakta at stadig færre nordmenn ønskjer å redusera kjøtforbruket. Tala, som nyleg vart omtalt i Morgenbladet, viser at det i 2019 var 29 prosent som ville kutta i kjøtetinga. I 2022 var talet redusert til 24 prosent.