Pregar landskapet: Ein stor del av kraftleidningane i Krossberg-Harestad-Nordbø-prosjektet i Stavanger kommune, går over fulldyrka jord.

KRONIKK:

Vi treng ikkje straum viss vi ikkje har mat

Så viktig er billegast mogleg kraft for oss, at vi vel å redusere matproduksjonen for å redusera straumrekninga.

Eva Bringeland er konsulent med landbruk, matproduksjon og offentleg forvaltning i blodet.
Masterstudent i samfunnssikkerheit ved Universitetet i Stavanger. Faglært kokk. Nummer ni i odelsrekka til heimegarden i Ryfylke.

Straum er heilt naudsynt for norsk velstand og utvikling, og den må vere tilgjengeleg for alle, både fysisk og kostnadsmessig. I Noreg set vi billegast mogleg straum så høgt, at vi vel å redusere norsk matproduksjon for å få det til. Medrekna kraftfôr, kjem bort imot 60 prosent av norsk mat frå andre land. Importen sikrar matforsyninga i fredelege tider, når matmarknadene i verda ikkje er forstyrra av klimaendringar, tollsatsar eller krig.