Føreseieleg: Jordlova skal sikre både aktiv drift av jordbruksareala og føreseielege vilkår for den som leiger jorda. Illustrasjonsfoto: Sjur Håland

Driveplikt av jordbruksareal og jordleigeavtalar

Mange jordleigeavtalar oppfyller ikkje krava i jordlova. Dermed kan både grunneigar og leigetakar stå svakare enn dei trur.

Torfinn Nærland, Fagleiar landbruk, Time kommune

Føremålet med driveplikta er at eigaren av dyrka og dyrkbar jord skal forvalte areala på ein god måte i tråd med jordlova sitt føremål. Dette betyr at jordbruksareal skal drivast kontinuerleg. Driveplikta er òg viktig for å sikre matproduksjon, ta vare på jorda sine produksjonseigenskapar og kulturlandskapet. Aktiv drift kan òg redusere risikoen for at areala vert bygd ned. Jordbruksareal er fulldyrka jord, overflatedyrka jord og innmarksbeite. Regelen om driveplikt kom inn i jordlova i 2009. Rundskriv M-2/2021 frå Landbruks- og matdepartementet har utførleg beskriving av driveplikt og jordleige.