Pus etter mus:Denne gardskatten møter meg alltid i fjøset og er med rundt når eg behandlar dyra. Ho får godt stell av såvel storfea som folka på garden. Katten er kastrert og har det godt. Bonden som eig henne seier at det nesten ikkje er mus etter at pusen kom i hus. Foto: Privat

VETERINÆREN:

Gardskatten for lut og kaldt vatn

Me snakkar mykje om dyrevelferd for produksjonsdyra våre, men korleis står det eigentleg til med gardskatten?

Reidun Fattnes, dyrlege i Førde i Sunnfjord.

Om ein katt kunne snakka, så kunne kanskje dei to kattane mine, Bruce og Nils, presentert seg på denne måten:

«Hei, hei. Me heiter Bruce og Nils. Visstnok oppkalla etter heltane til matmor Reidun – han Bruce Springsteen, og gitaristen hans, Nils Lofgren. Me blei funne i ei leilegheit i Bergen, der me levde i lag med 100 andre kattar. Me kom til veterinærklinikken der dotter til matmor arbeidar. Me skulle avlivast, men det klarte dei ikkje å gjera. Så me hamna i Førde.»

Dette er starten på historia til kattane mine som blei fødde i ein kattekoloni våren 2025.