Unødvendig liding: Har du problem med at munnskurv gir jurbetennelse på dyra dine, kan det vera smart å vaksinera mot munnskurv. Her ser me ei søye med skurv på spenen, kor det dessverre har vorte kolbrann i juret som følgje av akutt jurbetennelse.

VETERINÆREN:

Vaksiner mot munnskurv

Munnskurv endar ofte med mastitt, utrangering og unødig liding hjå dyra. Men det finst vaksine mot problemet.

Oddfrid Vange Bergfjord, privatpraktiserande dyrlege i Sogndal og Luster, og frilansjournalist for Buskap.

Munnskurv er svært utbreidd i sauebesetningar, men denne virusinfeksjonen gir varierande grad av problem. Enkelte lam får berre sporadiske utbrot med liten praktisk betydning, medan andre kan få store lesjonar i og rundt munnen som smittar over til spenane til mødrene.