Liv i Hagen: Garden var fråflytta i mange år då Dina og Andreas overtok Hagen i 2022. Sidan dess har dei unge bøndene fylt tunet, beitene og fjøset med dyr og drift. Og ennå er det rom for meir…

Dina og Andreas har funne sin plass

Ønsket om mindre kav og stress førte dei til eit småbruk på Voss – med masse arbeid på kjøpet. – Men me jobbar jo for oss sjølve og får det slik me ynskjer å ha det, seier Dina Boge.

Tekst: Hildegunn Mugås / Foto: Privat

​Bruket i Voss herad ligg bratt og utanfor allfarveg. Det hadde ikkje vore drift på Hagen på fleire år og husa var fråflytta då Dina Marie Øvredal Boge og Andreas Rokne overtok i 2022. Tre år seinare er tunet fylt med liv igjen.

Dina og Andreas er båe fødde i 1997 og båe oppvaksne på gard.