Tøff som satsar: Sebastian Schelbred tok over heimegarden i 2017, og bygginga av ammekufjøset starta året etter. – Eg synest han er tøff som satsar, seier far Sigve.

Ei ny tid på garden

Då Sebastian tok over heimegarden, hadde sine eigne planar for drifta. Mjølkekvoten blei seld for å legga pengane i eit ammekufjøs.


Jane Brit Sande


Då far Sigve vart stadig meir plaga av allergiske reaksjonar av å vere i fjøset, var meldinga til sonen Sebastian klar: Viss han ville ta over garden, så måtte det bli no.

Frå mjølk til ammeku

1. januar 2017 tok Sebastian Schelbred over heimegarden på Forsand i Ryfylke. I fjøset stod mjølkekyr og ein saueflokk. Men den unge bonden hadde andre planar for drifta.


– Eg har alltid vore mest interessert i stutane. Ammeku, med framfôring av kalvar og alt som høyrer med, freista, seier Sebastian.


Det gamle mjølkefjøset hadde i tillegg behov for ei oppgradering. Då stod det mellom to ting: Legge pengane i ein større mjølkekvote, og oppgradera det gamle fjøset, eller selje kvoten og investere i ammekufjøs og -besetning? For Sebastian vart valet enkelt.