Angrar ikkje: Etter eitt år som bonde er Magnus nøgd med at han ikkje har investert meir enn at han står fritt til å velje kva han vil gjere vidare. – Eg har gjort det på min måte, og det fungerer. At dyra har det bra er jo det viktigaste, seier han.

Framleis travel, men friare

Magnus Bø på Kolnes i Sola, kjøpte gard, kvote og kyr, og starta med mjølkeproduksjon i mars i fjor.
– Eg har fleire arbeidstimar enn før, men kjenner meg likevel friare, seier han.

Liv Kristin Sola​

​Då Bondevennen var innom Magnus Bø i august i fjor, var det eit einaste stort hol ned i det som no er gjødselkjellaren i fjøset. Bonden hadde rive dekket på låven og meisla ut tonnevis med betong og masse for å støype ny gjødselkjellar. Når Bondevennen nyleg var innom, eit lite år seinare, er det spalt over gjødselkjellaren og liggebåsar til 15 mjølkekyr, med fôrbrett inn mot veggen.