Bygde draumefjøset: Tina og Selmer har teke tilbake kvar sin mjølkekvote, og bygd fjøs på heimgarden til Selmer. Ei frisk satsing som sende dei rett til finalen i Årets Unge Bonde 2025. – Me prøver å snakke fram landbruket i alle samanhengar, spesielt for å motivere andre unge bønder til å tørre å satse, seier Tina.

Kjøpte kalvar før dei planla fjøs

Då Tina Sviland Bertelsen og Selmer Wathne overtok garden for snart tre år sidan, bestemde dei seg for å bygge fjøs. Økonomiutdanning og mykje erfaring frå ulike fjøs kom godt med i planlegginga.

Liv Kristin Sola

Han var knapt ferdig med ungdomsskulen då foreldra i 2016 måtte leige ut kvota av helsemessige årsaker. Han og Tina har vore i lag i åtte år. Dei hadde ein felles draum om å drive gard. No har dei teke heim kvota og i februar i fjor starta dei mjølkeproduksjon i eit nytt lausdriftsfjøs med mjølkerobot. I år kjem dei til å passere 360 tonn i meierileveranse.