Livskvalitet: Camilla og Martin har ikkje latt seg rive med av freistande tilbod om ny teknologi og høge investeringar. – No rekker me over alt og har ein fin kvardag, seier Camilla. F.v.: Ella (6), Camilla, Jacob (1), Isac (4) og Martin.
Lever av mangesysleri


Camilla og Martin Heggelund har 85 vinterfôra sau, 14 ammekyr, godt 1000 slaktegris i året, og ein leigekvote på 37 tonn mjølk. Mangesysleri og låge investeringskostnadar gjer at dei kan leve av garden.


Liv Kristin Sola


Ein kjøleg april nærmar seg slutten. Vårvinna er unnagjort, og attlegget nedanfor huset står frodig og grønt. Camilla (30) og Martin (34) Heggelund har tid til ein kopp kaffi og heimebaka kanelbollar ute i vårsola. Slik har det ikkje alltid vore. Begge har hatt full jobb medan dei har bygd opp drifta.