Tungvint: Det er ein del manuelt arbeid med fôring. Men med god hjelp frå Einar og Sanna vert det ei triveleg kveldsøkt i floren.

Nordsjøarbeidaren vart sauebonde

For fire år sidan gjorde Ivar Gjerald det mange berre drøymer om. Han kjøpte seg gard og flytta inn i eit nytt liv som småbrukar og sauebonde.


Tekst: Hildegunn Mugås / Foto: Privat


​Få klarer å realisere draumen om gard, men Ivar Gjerald er ein av dei som har gjort nettopp det. Då han kjøpte seg eit bruk i Holbygda på Voss, var det ikkje berre for å bu på landet, men for å drive aktivt som sauebonde. No er saueflokken på plass og garden er i full drift. Så korleis har det vore å brått verta bonde?