Eit stille minutt: Med tre gutar i hus og tre produksjonar blir det sjeldan tid til å sitte i ro – samla. F.v. Therese, Torvald, Trygve, Aksel og Anders, og hunden Odd.

Sjonglerer tre produksjonar og eit familieliv

Dei overtok ein gard i god stand. Likevel har det første året som bønder og småbarnsforeldre vore hektisk for Therese og Anders Hareland Ravndal.
– Me prøver å ta vare på dei små augneblinka, seier Therese.

Liv Kristin Sola

Trygve (8) og Torvald (4) er ute og syklar, godt pakka inn i hjelmane sine. Trygve har ein ekte BMX-sykkel, Torvald ein litt mindre.

– Aller gildast er det med krossar, seier Trygve.

Torvald er samd. Dei har kvar sin motocross-sykkel som dei køyrer i terreng med.

– Eg har minst, Trygve har litt større, og far har størst, seier Torvald.

Interessa for BMX og krossyklar har dei nemleg arva frå faren. Og terreng har dei mykje av på Ravndal.