Prioriterer familien: Robert Frøysland og Ann Karin Nes på Frøysland kunne investert millionar i nytt fjøs, men det hadde ikkje gjort det enklare å følgje opp døtrene.

Skal, skal ikkje investere

Med tre jobbar og nøkterne investeringar har Robert Frøysland klart å bli bonde på heiltid. No held han att på investeringane for å kunne følgje opp døtrene – og i påvente av deira livsval.

Reidun Fattnes, veterinær og skribent / Foto: Privat

I Sunnfjord er det mange fine bygder. Haukedalen er ei av dei. Bygda ligg i enden av eit stort vatn og er omkransa av flotte fjell. Jostefonn, ein arm av Jostedalsbreen, ligg i austenden av bygda.

Det tek omlag 40 minutt å køyra til Førde, alt etter kor hard ein er på gasspedalen.