Flokken til fjells: Familien Flatekvål Nedkvitne samla: Bjørnar, Ola, Sigrid (framme) og Karoline med vesle Iver.

Det gode stølslivet i Oppheimsdalen

Dette er sjuande sommaren familien Flatekvål Nedkvitne stølar, og dei har ikkje tenkt å gje seg.

Tekst: Hildegunn Mugås / Foto: Privat

Dei gjer alle dagens oppgåver saman. Et saman, leiker i lag, badar i elva, plukkar blåbær, går tur og steiker mjølkekaker. Syden, bilferie eller leikepark er ikkje eit uoppnåeleg mål, men er bevisst valt vekk. Dei har det fint på stølen.