Ein god deal?: John Patric Swainson og faren John Craig Swainson frå How End Farms viser fram ei av kyrne i auksjonsringen. Bondevennen sine lesarar hugsar kanskje John Patric frå intervjuet med han i Bondevennen i fjor haust (BV 18/2024). Legg merke til dei eldre karane til venstre rundt ringen. Dei møter trufast opp på alle auksjonane, noko som kvalifiserer til sitjeplassar.
REISEBREV:

På auksjon i England

Mjølkeprodusentane Inga Skretting Timpelen og Lars Byberg Timpelen la like gjerne ferien innom ein husdyrauksjon i Cumbria. Her kjem postkortet deira!

Drøsen går livleg mellom rekkjene av dyr som står i den store hallen. Bønder, pensjonerte bønder og ungar, om lag 100 i alt, ser på dyra som skal seljast. Her er ein del mjølkekyr, men mest lam og fôringskalvar av diverse kjøtferasar og krysningar.