Ull til alt: Synnøve Balabanian (t.v} har laga ullbadedrakter av restemateriale frå tekstilindustrien. Under Ullveka fekk ho med seg Ingun Grimstad Klepp, Ann Kristin Vedå og Kristine Akselberg på eit oktoberfriskt bad i Vangsvatnet.

Festveke for norsk ull – av kjærleik, og på trass

Interessa for ull har aldri vore større, så kvifor blir det produsert mindre ull enn nokon gong? Bli med til Ullveka Vestland og nøst opp i floka.

Anne Rivenes, frilansjournalist

Ullveka Vestland er ei oval festveke på hausten med arrangement i Nordhordland og Bergen. For første gong i år er også Voss med, med delprogrammet Krudla i Udla.

– Me ynskjer å lyfta fram bonden og sauehaldet, og mangfaldet av ulike typar ull, seier May Britt Øydvin frå Voss Kunst og kultur.