Stor jobb: Eit grøfteanlegg vil normalt fungera i minst 30 år før det må grøftast på nytt. Driftsform avgjer ofte kor sterkt du må drenera. Grasmark krev mindre grøfting enn åkerkulturar, og beite mindre enn slåttemark. Foto: Grøftedemonstrasjon med grøfteplog på Jæren, Sjur Håland

NORSK LANDBRUKSRÅDGIVING:

Slik planlegg du dreneringa

Du har funne ein teig du må drenera. Men før du set i gang må du gjere ein del vurderingar og førebuingar.

Lars Kjetil Flesland, NLR

Skal du gjennomføra drenering av eit areal, bør dette på sikt føra til ein avlingsauke som gjer investeringa i grøfteanlegget verdt det. Kva har du råd til? På leigejord må du lage til avtalar som seier kven som betaler kva, og kva dette vil ha å seie for leigepris og leigeperiode.