Motivert til å fortsette:Første året som fruktbonde har gått bra for Guro Kvalnes (t.v.), som no er motivert for å ta på ein ny sesong. Ikkje minst fordi ho har hatt god støtte av mentor Kari Lutro gjennom alle fasane i eple-året.

MENTORORDNINGA I LANDBRUKET:

Ei som seier: «Det ordnar seg»

Når Guro ikkje har kontroll, då ringer ho Kari. – Slapp av, det ordnar seg, er som regel svaret ho får. Og det gjer det som regel.

Liv Kristin Sola

Då Kari Lutro overtok på odel i 2018 var det eple, pærer og plomme på garden. Ho har vidareført alle slaga, men satsar òg på morellar i tunnel. Kari er utdanna økonom, men lever no av å dyrke frukt på 60 dekar. I tillegg paktar ho eit felt på 12 dekar i lag med ein nabo.