Gilde folk: Opne dører og alltid tid til den gode praten. Det er skussmålet Marit Gunn og Kåre av folk som kjenner dei. Foto: Agder Bondelag

– Godt å bli sett

Marit Gunn Tveit og Kåre Blålid vart heidra med den tradisjonsrike «Mi har det greitt»-prisen under årets Sørlandssamling. – Jo, det kjennest godt å bli sett, seier Kåre.

Liv Kristin Sola

Det gjekk langt ut i juryen si grunngjeving før Marit Gunn Tveit fekk med seg at omtalen faktisk kunne passe på henne sjølv og mannen, Kåre Blålid.

– Eg pratar normalt ganske mykje, men no fekk eg ikkje fram eit ord. Eg vart aldeles tatt på senga, seier ho.