Krav til presisjon: Ysting er eit handverk som krev nøyaktigheit og presisjon for å lukkast. Her lærer ystar Lise Brunborg kursdeltakarar om mjølkeforedling og kor viktig det er å notere mengd og temperatur.

Lokalmat: Marknaden veks raskt

Stadig fleire vil produsere og kjøpe lokalmat.
– Det beste er om me kan mette marknaden med norsk ost av alle slag i staden for importert ost, seier Lise Brunborg.

Jofrid Åsland Gilje

– Tilsett 0,5 desiliter til fløyten, me skal bruke to prosent kultur for å lage rømme.

Lise Brunborg deler stødig av si lange erfaring innan handverket ysting. Denne aprildagen er det fullt hus, og venteliste for å delta på innføringskurs i foredling av mjølk i regi av Kompetansenettverk for lokalmat.