Jersey: Ole Anton Liverud starta karrieren som bonde med ei NRF-besetning, men har gradvis bytta rase. Jerseykyrne passar betre inn i driftsopplegget på garden.

Brennande engasjert i kystlynghei

Ole Anton Liverud har aldri angra på at kystlyngheia fekk hovudrolla, medan dekk og diesel måtte nøye seg med ei birolle i forteljinga om familiebruket. Det har skapt ein fleksibel kvardag.

Jofrid Åsland Gilje

– Det er eit bevisst val ja, seier bonden.

Han inviterer på kaffi med noko å bite i ved kjøkkenbordet. Ole Anton snakkar om at han har lagt om til jerseyku. Det er for å nytte garden sine ressursar mest mogleg effektivt. Det er lite som er tilfeldig når han først sett i gang, innrømmer bonden.