Godt nøgde: Lone Cecilie og Odd Inge Moen er nøgde med nytt sauehus og vekter på heimelamma.

Mange omsyn ved uttak av slaktelam

Med nybygd sauehus og aukande besetning går Lone Cecilie og Odd Inge Moen inn i hausten med iver og glede. No er spørsmålet for mange: Kva lam skal sendast til slakt?

Hilde Elin Østerhus​

Med hausten like rundt hjørnet er uttak av slaktelam eit aktuelt tema på garden Kleivane i Erfjord. Her driv Lone Cecilie og Odd Inge Moen småfeproduksjon i nybygd sauehus med ei besetning på 60 vinterfôra sau.

Målet er å auke til 80 vinterfôra sau komande vinter, huset har plass til 110 vinterfôra søyer. Besetninga består av fem rasar. Framover vil paret satse på NKS og spælsau, både kvit og farga.