Gode kollegaer: Osmund og Oddlaug Birkeland utfyller kvarandre i gardsarbeidet og stortrivs som bønder. Foto: Privat.

– Smågrisproduksjon er kunst

Etter 16 år med fininnstilte auge og øyre, har Oddlaug utvikla eit skarpt blikk for dei små detaljane som utgjer skilnaden mellom liv og død i grishuset.
– Eg har ikkje trega ein dag, seier Oddlaug om livet som smågrisprodusent.

Hilde Elin Østerhus​

Resultata frå Ingris stadfestar at Oddlaug Birkeland er på rett plass. Produksjonsresultata frå 2025 plasserer ho og mannen Osmund Birkeland på pallen som Noregs tredje beste smågrisprodusent, ei plassering dei deler med Tonje Fjetland, som driv si besetning ein dryg halvtime unna.