På veslebror si grav: Brynjulv skulle vore åtte år. Saknet er stort. Etter to år og ni månader med sjukdom mista familien ein son, ein bror, eit barnebarn.

Når livet slår med to knytte nevar

Familien Rode var ein vanleg travel familie. Gardsdrift, arbeid utanfor garden og tre barn. Så viste livet seg frå si mørkaste side. Drifta fortsette, men kyrne måtte flytte.

Hildegunn Mugås, veterinær og skribent

​– Brynjulv var småsjuk heile sommaren. Me var til lege. Det var koronatid og symptoma vart tolka som virus.

Espen Rode ser tilbake på då sonen vart sjuk i 2021. 13. september slår bestemora til Brynjulf, Grethe, alarm. Ho kjenner ein hevelse på venstre side av magen til Brynjulv. Dei reiser til lege og blir sendt direkte til Haukeland Universitetssjukehus i Bergen. Dagen etter er diagnosen sett. Kreft, med spreiing. Wilms’ Tumor, stadium fire. 15. september får han fyrste dosen med cellegift.