Vil finna rådyrkalvane med drone

Finna og berga: Tor Jacobsen etterlyser praktiske løysingar slik at han og kollegaane kan finna og bera vekk rådyrkalvar som ligg gøymt i graset før førsteslåtten. Denne enga er nyleg slått for andre gong i år.


Tor Jacobsen etterlyser samarbeid og praktiske ordningar der han og kollegane kan leite opp rådyrkalvane med drone og varmesøkjande kamera for å berga dei før slåtten. Lund kommune vil bidra.


Sjur Håland


Reint teknisk er det inga sak. Start opp ei drone med varmesøkjande kamera. Sveip over enga og registrer rådyrkalvane som ligg gøymt i graset. Deretter er det berre å ta turen gjennom enga og jaga/bera vekk kalvane. Når det er gjort, kan du slå graset. Utan å måtta sitja i traktorsetet med hjarta i halsen.


– Utfordringa for oss bønder blir å få dette til i praksis, seier Tor Jacobsen, bonde på Ualand i Lund.