Handa på rattet: Skal det vere tilbod for unge på bygdene, må nokon ta tak, seier Henrik Nordtun Gjertsen.


– Me ser ut som ei homogen gruppe, så me har ein veg å gå. Viljen er der, men er me opne nok, spør Henrik Nordtun Gjertsen, ny styreleiar i Norges Bygdeungdomslag.


Jane Brit Sande


Bondevennen møter Henrik Nordtun Gjertsen (23) på familien sitt småbruk på Strandebarm i Kvam herad. Det er i Sandnes nord på Jæren han har budd og gått på skule, men i skuleferiar og helger har familien vore i Hardanger.


– Her har me frukthage med 1000 epletre og litt pærer, seier Henrik.


Han har eit spanande år framføre seg. På sist årsmøte i Norges Bygdeungdomslag (NBU) vart han vald til ny styreleiar, og studiar må venta.