Fjøsrunde: Arnulf (t.v.) og Frank tek dagens fjøsrunde. Dei er ikkje framande for korkje oppgåvene eller dyra.

Omsorg i gardstunet

Marit Salte tilbyr Inn på tunet heime på garden. I framtida vil truleg fleire Rogalandsbønder gjere som ho.


Jane Brit Sande


To dagar i veka tilbyr Marit aktivitetar, samhald og omsorg for menneske med kognitiv svikt og demens. Ho har vore tilbydar av Inn på tunet (IPT) i rett over to år.


– Trivsel er motoren. Det er utruleg givande å bruke garden på denne måten, seier Marit.


IPT er tilrettelagde og kvalitetssikra velferdstenester på gardsbruk. Aktivitetane i tenestetilbodet er knytt opp til garden, livet og arbeidet der.