Turkameratar: Unghunden Brock er med når Erling er på tur og har tilsyn med saueflokken.

TEMA: GENERASJONSSKIFTE

Brått bonde på Gollakgarden

Erling Vangsnes (48) er eldste generasjon på Gollakgarden. Det hender han saknar kårfolket, både til å spørja til råds, men òg for å ha nokon som har eit auge med flokken når han sjølv ikkje kan vera heime.


Tekst: Hildegunn Mugås
Foto: Privat


Erling Vangsnes overtok heimegarden i 2017. Fleire år før planlagt. Faren Einar Vangsnes, som då var 70 år, hadde begynt å vise teikn på demens.
Erling hamna i ein vanskeleg situasjon. I løpet av ein tiårsperiode mista han både mora, faren og bestemora – og sat att åleine med ansvaret for garden.