Lars Sønstevoldhaugen til topps: Det vart ein spennande finale i NM i saueklipp i Skakkehallen i Etne førre laurdag. Åsmund Kringeland frå Tysvær var først ferdig med sine 15 sauer, men då poenga vart summert var det Lars Sønstevoldhaugen frå Fåvang som tok den gjeve NM-tittelen, med Kringeland på 2. plass og Odd Kristian Håland og Wilson Wyllie på 3. og 4. plass.

Dansar med sauer

Klipparane er i klare, dommarane er skjerpa, og hjelpemannskapet bak scena har orden i flokken av sauer som skal klippast. – Ready go!, seier speakeren. Konkurransen er i gang.


Liv Kristin Sola



Det er NM i saueklipp og ullhandtering i Skakkehallen i Etne. Dei fire klipparane på scena har gått inn i klippebobla, og speakeren sin stemme blir høgare og raskare etter kvart som den eine sauen etter den andre blir klipt.