Agder: Mjølka fossar mot kysten

Areal i drift: Areal på Indre Agder kan gro att og gå ut av drift når siste aktive bonden i grenda legg ned og avstanden til neste aktive bruk blir for lang. Illustrasjonsbilete


Strukturutviklinga fører til at mjølka er i fri flyt frå Indre-Agder til dei sentrale kyststroka. Konsekvensen kan snart bli at verdifullt areal går ut av drift, fryktar landbruksdirektøren, og ropar eit varsku.


Sjur Håland


Landbruksdirektøren hjå Statsforvaltaren på Agder, Tore Haugum, omtalar Agder som ein underskotsregion når det gjeld matproduksjon.


– Me har ikkje meir landbruksjord enn me treng. Agder har fem prosent av befolkninga i Norge og produserer tre prosent av landbruksvarene. Skal landet dyrka maten som trengst, må også Agder produsera, seier han.