Folkefest i Fjoset

Det seiast at Fjoset er hjarta til Dyrsku’n. Her har det vore utstilling av stasdyr heilt sidan starten i 1866. Og endeleg, etter to år med pandemi, var det på nytt tid for dyreskode i Fjoset.


Liv Kristin Sola


Dyrsku’n vart oppretta av staten som eit ledd i å auke matforsyninga i landet. Målet var ei husdyrutstilling for å betre avl og mjølkeproduksjon. Det globale bakteppet denne hausten ga i så måte festdagane i Seljord førre helg ei ekstra djupn. I dag er Dyrsku’n landets største landbruks- og handelsmessa. Men for mange er husdyra framleis det viktigaste som skjer her denne andre helga i september.