Strekk fosfor-strikken: Vekst i oppdrettsnæringa bidreg til at total fosformenge aukar i Noreg. 95 prosent av fôret til laksen blir importert. 95 prosent av laksen blir eksportert. Foto: Istock / MariusLtu

Fosformengda fyk i veret

Med vekst i oppdrettsbransjen og strengare krav til avfallshandtering ligg fosfornivået frå organiske kjelder an til å auka i alle landets husdyrregionar. Utvikling av nye gjødselprodukt blir derfor avgjerande for å løysa fosforutfordringa, meiner Nibio. Men vil bøndene ha dei, og løner produksjonen seg?


Bothild Å. Nordsletten


Den samla fosformengda frå organiske kjelder i Rogaland er venta å auka med 17 prosent den neste tiårsperioden, opp frå dagens 2363 årlege tonn. Til grunn for prognosen ligg den samla effekten av meir oppdrettslaks og innføring av strengare reglar for handtering av avlaupsvatn og matavfall. Når det gjeld fosformengde i husdyrgjødsel, er det forutsett same produksjonsnivå som i dag.