– Godt å endeleg treffast

Samla i møte: Etter to år med digitale årsmøte, var utsendingane til årsmøtet i Rogaland Bondelag glade for å samlast i Haugesund. Det gjekk ein del kaffi.


Auka matproduksjon, inntektsløft og velferd. Årsmøteutsendingane i Rogaland Bondelag haldt talarstolen varm på første fysiske fylkesårsmøte etter koronanedstenginga.


Jane Brit Sande


Årsmøtet i Rogaland Bondelag vart halde i Haugesund førre veke. Etter to digitale årsmøte syntest truleg dei aller fleste at det var på høg tid med ei fysisk samling. Trafikken på talarstolen i debattane kan i alle fall tyde på det.


– To år med alternative årsmøte og eit koronastengt land, setter sine spor. Derfor er det godt å endeleg treffast. Veldig godt, faktisk, sa Marit Epletveit, leiar i Rogaland Bondelag, då ho opna årsmøtet.


Sjølvforsyning har diverre vist seg å vere meir aktuelt enn nokon gong, sa fylkesleiaren.