I fabrikken: Seljar Tone Ragnhild Rosnes og fabrikkleiar Ole Gunnar Fuglestad.

Har hakka møkk på Jæren i 30 år

– Om me hadde tenkt å gje opp, hadde me gjort det for lenge sidan, seier sjefen hjå Norsk Naturgjødsel AS, Ole Gunnar Fuglestad.


Sjur Håland​



Tretti års drift er ein god start. Nå er det fullt driv mot tretti nye, forsikrar Fuglestad. Han står på møterommet i den store produksjonsbygningen på Sele og ser ein containerlastebil fullasta med hønegjødsel svinge inn i det asfalterte tunet på det tidlegare gardsbruket i havgapet. Gjødsla blir knust før ho blir tørka og hygienisert i to omgangar ned til kring 90 prosent tørrstoff. Det meste av produksjonsutstyret er av nyare dato, men eine tørka er av edel årgang, produsert av Brødrene Hetland til bruk på ein sildoljefabrikk ein gong på 1950-talet.