Meiner bøndene mistar råderetten

Jord: Geir Jone Pollestad har 10.000 kubikk matjord liggande som han vil bruka til påfylling og forbetring av areala på garden. Det er, i følgje bonden, lettare sagt enn gjort.


Jærbøndene er i full klinsj med Statsforvaltaren og dei andre styresmaktene om bruks- og eigedomsretten, meiner Geir Jone Pollestad. Statsforvaltaren meiner dei berre gjer jobben sin.


Sjur Håland


Bonden står ved ein stor tipp med matjord som han seier han ikkje får bruke til å betre beitearealet. På kartet er det ei myr, men området er grasdekt og er godkjent som beite. Pollestad meiner mange bønder på Jæren har liknande konfliktsaker gåande mot styresmaktene.


– Me har mista råderetten over eigedommane våre. Rogaland er i ferd med å bli ein sovjetstat, seier den harmdirrande bonden.