Mesta møter hindringar

Vegetasjon: Det kan vera krevjande for entreprenørane å fjerna all vegetasjonen når det ser slik ut i vegkanten. Buskar og tre som veks midt i gjerdet er ei klassisk hindring. Foto: Mesta.


Irritert over høymole eller geitrams som står att i vegkanten og spreier millionar av frø til åkrar og enger nær deg? Det er ikkje sikkert at det alltid er kantklippentreprenøren sin feil.


Sjur Håland


Mesta-prosjektleiar Tor Reidar Tandrevoll oppmodar bønder og grunneigarar til å bruke ledig tid på å ta ein vedlikehaldsrunde og sjå over gjerde og steingardar som grensar til offentleg veg gjennom hausten og vinteren.


– Då blir det lettare for oss å koma heilt inn til gjerdet for å ta all vegetasjonen neste sesong. Sjåførane som er ute og klipper for oss er ærekjære og vil det skal sjå så godt ut som det kan etter at dei har klipt, seier han.