Påbygg: Bonde Odd Grødem frå Fosse i Time gjer klar tomta for nybygg på kring 1.800 kvadratmeter. Dette skal koplast saman med 2013-kyllinghuset i bakgrunnen. Det nye huset skal vera klar til nytt innsett sist i februar neste år.

– Nortura satsar, og me er med

Slaktekyllingprodusent Odd Grødem er i gang med eit påbygg på kyllinghuset. Målet er å rusta bygningsmassen for den seinarevaksande kyllingen Rustic Gold.

Sjur Håland

Ein av Nortura-produsentane som no byggjer ut kyllingproduksjonen, er Odd Grødem på Fosse i Time kommune. Då Bondevennen er innom, er slaktekyllingane av Ross 308-hybriden 11 dagar gamle. Dei skal slaktast om 22 dagar.

Grødem har vore bonde i ei årrekkje, og bygging er han ikkje framand med. Storfefjøset vart bygd i 2018. Her har han plass til fullt påsett, noko som betyr kring 200 storfe med stort og smått. Grunnkvoten er 515.000 liter.