Finbygd og produktiv: NRF-oksen 12425 NR Isfjorden er noko så sjeldan som ein lett okse med høg produksjonskapasitet. Men skal du ta ut potensialet i ein slik okse, krev det jamn tilgang til ein konsentrert fôrrasjon. Foto: June Witzøe/Geno.

NRF: Lette i kroppen og tunge på mjølk

Atter ein gong, ny innhaldsrik oksekatalog med 24 eliteoksar. Og trenden er klar: NRF-avlen går mot kolla dyr, lettare kyr, men med høg mjølkekapasitet.

Liv Kristin Sola​

Kaffi i koppen, pennen i neven, og okse­katalogen oppslått. Det er tid for ope avlsmøte på Genoloftet på Særheim. Alt er som det skal vera då klokka blir 19.30 denne første måndagskvelden i juni. Kanskje bortsett frå at «alle» er ferdig med førsteslåtten. Det er faktisk ikkje normalt – sjølv ikkje her på Jæren.