Klar for våronn: Åsbjørn Høyland veit kva han tilfører av næring og tar ut i avlingar. Han er klar for endringane som kjem med strengare gjødselreglar, men har spørsmål om korleis dei skal praktiserast.


– Det er mykje godt i forslaget til nye gjødselreglar, men det inneber òg ei hard innstramming, seier Åsbjørn Høyland, bonde i husdyrtette Hå på Jæren.


Bothild Å. Nordsletten


Våronna er i gang på garden Stølen på Nærbø. Åsbjørn Høyland lesser raigrasfrø på traktoren og sender faren, Magne Høyland, ut på enga for å så i der frosten har herja. Sjølv har han tenkt å ta til med gjødslinga.