Godt kutta: Med silograbb frå Erland og stasjonær blandevogn er grovfôret enkelt å handtera. Martin Moi vil ha godt kutta silo for å unngå at sauene dreg fôret inn i bingen.

Pengane ligg i grovfôret

Slåtten nærmar seg. Nokre bønder held seg til fjorårets oppskrift, medan andre vil løfta grovfôrkvaliteten. Martin Moi satsar på Føniks og ensileringsmiddel.

Sjur Håland​

– Har du ei oppskrift som gir jamt godt grovfôr, er det liten grunn til å endra kurs. Er du derimot ikkje nøgd med fôret og fôrprøvane, bør du vurdera tørkepraksis, lagring, haustemetode og bruk av ensileringsmiddel, seier Ragnvald Gramstad.

Den tidlegare NLR-rådgjevaren har arbeidd med grasdyrking sidan 1970-talet og er framleis engasjert.